Астанада Дженнифер Лопестің концерті кезінде шаттл-автобустар жүреді
Елордада Дженнифер Лопестің концертінде көлік кептелісін азайту мақсатында арнайы шаттл-маршруттар қатынайды, деп хабарлайды елорда әкімдігінің ресми сайты.Елордада 1 тамыз күні әлемге танымал америкалық әнші Дженнифер Лопестің концерті өтеді. Осыған орай шаттл-маршруттар қатынайды.»Арнайы автобустар сағат 16:00-ден бастап қатынап, жолаушыларды қаланың бес нүктесінен «Астана Арена» стадионына жеткізеді және концерт аяқталғаннан кейін қайта алып кетеді», – дейді ведомство.Шаттл бағыттары:Астаналық цирк автотұрағы;»Әзірет Сұлтан» мешітінің автотұрағы;»QAZAQSTAN» спорт кешенінің автотұрағы;Орталық саябақ (Тұран даңғылы жағынан) автотұрағы;»Бас мешіт» автотұрағы.Шаттл автобустар концерт басталғанға дейін және аяқталғаннан кейін екі бағытта қатынайды.Кептеліс пен автотұрақтағы қиындықтардың алдын алу үшін фестиваль көрермендері қоғамдық көлікпен, таксимен немесе арнайы шаттл автобустарымен қатынағаны жөн.
