Елордалық құтқарушыларға пәтер кілті табысталды
Төтенше жағдайлар министрі Шыңғыс Әрінов пен Астана әкімі Жеңіс Қасымбек елордалық құтқарушыларға он бес қызметтік пәтердің кілтін табыс етті.Мемлекет басшысының тапсырмасы бойынша жергілікті атқарушы органдардың қолдауымен азаматтық қорғау жүйесінің әскери қызметшілерін, өрт сөндірушілері мен құтқарушыларын әлеуметтік қорғауды жақсарту бағдарламасы іске асырылуда.Бір бөлмелі және екі бөлмелі пәтерлердегі жаңа қоныстанушылар қатарында қатардағы қызметкерлер: елордалық өрт сөндіру және авариялық-құтқару жұмыстары қызметінің өрт сөндірушілері, құтқарушылары мен бөлімше командирлері бар.© Photo : Төтенше жағдайлар министрлігінің баспасөз қызметіЕлордалық құтқарушыларға пәтер кілті табысталды Елордалық құтқарушыларға пәтер кілті табысталды © Photo : Төтенше жағдайлар министрлігінің баспасөз қызметіСегіз бір бөлмелі және жеті екі бөлмелі пәтер Қабанбай батыр даңғылы бойындағы «TENGRI» және Е-36 көшесіндегі «Respublika» тұрғын үй кешендерінде орналасқан.»Өз тарапымыздан біз еңбек етуге қолайлы жағдай жасау және жақсарту бойынша барлық қажетті керек шараларды қабылдауды жалғастырамыз. Мысалы, тұрғын үй жағдайларын жақсарту үшін біз тұрғын үй бағдарламасына қатысушылардың санатын кеңейттік, жастарға арналған арнайы тұрғын үй бағдарламасын іске қостық, онда ТЖД қызметкерлерінің санатын бөлек бөлдік», – деді Қасымбек.Сондай-ақ, департамент қызметкерлері үшін тұрғын үй сертификатының мөлшері 1 млн теңгеден 1,5 млн теңгеге дейін ұлғайтылды. Соңғы үш жылда ТЖД қызметкерлеріне 90 пәтер берілді.
